Diben y Cymhwyster:
Nod Diploma NVQ Lefel 2 Focus Awards mewn Hyfforddi Ymarfer Corff a Ffitrwydd (RQF) yw darparu’r sgiliau, yr wybodaeth a’r cymhwysedd sydd eu hangen ar y dysgwr i ennill cymhwyster yn y gweithle sy’n ymwneud â’i rôl fel hyfforddwr ffitrwydd.
Cymhwyster ar sail cymhwysedd ar gyfer hyfforddwyr campfa yw Diploma NVQ Lefel 2 Focus Awards mewn Hyfforddi Ymarfer Corff a Ffitrwydd (RQF). Mae’r cymhwyster hwn wedi’i anelu at yr hyfforddwyr hynny sydd am ddatblygu eu gyrfa yn y diwydiant ffitrwydd drwy brofi eu cymhwysedd ar Lefel 2.
Ystod Oedran
Ceir mynediad yn ôl disgresiwn y ganolfan. Fodd bynnag, dylai dysgwyr fod yn 16 oed i ymgymryd â’r cymhwyster hwn.
Cwmpas Daearyddol
Mae’r cymhwyster hwn ar gael yng Nghymru, Lloegr a Gogledd Iwerddon.
Gofynion Mynediad i Ddysgwyr
- Mae’r cymhwyster yn agored i unrhyw un sy’n gallu cyrraedd y safonau gofynnol.
- Mae’r cymhwyster yn gofyn am ymdrech gorfforol ac mae cyfranogiad unigol yn hanfodol, felly mae angen rhywfaint o ffitrwydd corfforol.
- Cynhwysir elfen o gyfathrebu (trafod, cyflwyno, darllen, ac ysgrifennu) a chymhwyso rhifau, felly dylai’r dysgwyr feddu ar sgiliau sylfaenol mewn cyfathrebu a rhifedd ar Lefelau 3 a 2 yn y drefn honno.
Llwybrau Cynnydd
Gall dysgwyr sydd am symud ymlaen o’r cymhwyster hwn ddatblygu eu sgiliau ymhellach drwy’r canlynol:
- Meistr Diploma Lefel 3 Focus Awards mewn Hyfforddi mewn Campfa a Hyfforddiant Personol (RQF)
- Tystysgrif Lefel 2 Focus Awards mewn Sesiynau Hyfforddi Gr?p (RQF)
- Diploma Lefel 3 Focus Awards – Arbenigwr mewn Hyfforddiant Personol (RQF)
- Tystysgrif Lefel 3 Focus Awards mewn Cynllunio a Darparu Hyfforddiant Personol (RQF)
Strwythur y Cymhwyster
Er mwyn cyflawni Diploma NVQ Lefel 2 Focus Awards mewn Hyfforddi Ymarfer Corff a Ffitrwydd (RQF) yn llwyddiannus, mae’n rhaid i ddysgwyr gyflawni pob un o’r pum uned orfodol (22 o gredydau) a dwy uned ddewisol (o leiaf 15 o gredydau) mewn llwybr a ddewisir i gyflawni cyfanswm o 37 o gredydau.
I weld y Fanyleb Cymhwyster cliciwch yma.