Diben y Cymhwyster:

Mae Tystysgrif NVQ Lefel 2 Focus Awards mewn Arweinyddiaeth Gweithgarwch wedi’i hanelu at y dysgwyr hynny sy’n gweithio mewn amgylcheddau fel canolfannau gwyliau, clybiau ieuenctid, canolfannau hamdden a sefydliadau gweithgarwch eraill. Bydd y cymhwyster yn rhoi’r cymhwysedd, yr wybodaeth a’r sgiliau angenrheidiol i ddysgwyr ar draws meysydd fel iechyd a diogelwch, cefnogi timau, cynaliadwyedd amgylcheddol, darparu gwasanaethau da i gwsmeriaid a chynnal offer ar gyfer gweithgareddau.

Ystod Oedran

Ceir mynediad yn ôl disgresiwn y ganolfan; fodd bynnag, dylai dysgwyr fod yn 16 oed i ymgymryd â’r cymhwyster.

Cwmpas Daearyddol

Mae’r cymhwyster hwn wedi ei achredu i’w ddefnyddio yng Nghymru, Lloegr a Gogledd Iwerddon.

Gofynion Mynediad i Ddysgwyr

Mae’r cymhwyster yn gofyn am ymdrech gorfforol ac mae cyfranogiad unigol yn hanfodol, felly mae angen rhywfaint o ffitrwydd corfforol. Cynhwysir elfen o gyfathrebu (trafod, cyflwyno, darllen, ac ysgrifennu) a chymhwyso rhifau, felly dylai dysgwyr feddu ar sgiliau sylfaenol mewn cyfathrebu a rhifedd ar Lefelau 3 a 2 yn y drefn honno.

Llwybrau Cynnydd

Gall dysgwyr sydd am symud ymlaen o’r cymhwyster hwn ddatblygu eu sgiliau ymhellach drwy’r canlynol:

• Dyfarniad Lefel 2 + 3 mewn Egwyddorion Hyfforddi Chwaraeon
• Diploma NVQ Lefel 3 mewn Rheoli Hamdden
• Diploma NVQ Lefel 3 mewn Datblygu Chwaraeon
• Diploma NVQ Lefel 3 mewn Hyfforddiant Personol
• Prentisiaeth Lefel Ganolraddol mewn Arweinyddiaeth Gweithgarwch

Strwythur y Cymhwyster

Er mwyn llwyddo i ennill Tystysgrif NVQ Lefel 2 mewn Arweinyddiaeth Gweithgarwch, rhaid i ddysgwyr ennill 30 credyd o chwe uned orfodol sy’n dod i gyfanswm o 25 credyd a dwy uned ddewisol sy’n dod i gyfanswm o bum credyd.

Unedau Gorfodol

I weld y Fanyleb Cymhwyster cliciwch yma.